ლიზა კუდროუმ ინტერვიუში განაცხადა, რომ სერიალ მეგობრების გადაღებების 10 სეზონის განმავლობაში, მას სცენარისტების მხრიდან (რომლებიც ძირითადად კაცები იყვნენ) არაერთი უსიამოვნო მომენტის ატანა მოუწია.

კუდროუ, რომელიც სერიალში ფიბი ბუფეს როლს ასრულებდა, ამბობს, რომ სცენარისტები მსახიობებს ტექსტის დავიწყების გამო მკაცრად საყვედურობდნენ, თავისუფალ დროს კი სერიალში მონაწილე ქალი მსახიობების შესახებ სექსუალურ ფანტაზიებს უზიარებდნენ ერთმანეთს.

ფოტო: NBC

"კულისებში საზიზღრობები ხდებოდა," — აღნიშნა კუდროუმ — "არ დაგავიწყდეთ, რომ ეპიზოდებს 400-კაციანი ცოცხალი აუდიტორიის წინაშე ვიღებდით. თუ რომელიმე სცენარისტის დაწერილ ფრაზას არასწორად იტყოდი, ან თუ ხუმრობაზე მაყურებლისგან იდეალური რეაქცია არ წამოვიდოდა, სცენარისტები ამბობდნენ: 'ამ ძუკნას კითხვა არ შეუძლია? არც კი ცდილობს. ჩემი დაწერილი ფრაზა გააფუჭა'".

ფოტო: NBC/Getty Images

ლიზამ ასევე გაიხსენა, რომ "სცენარისტების ოთახში კაცები გვიანობამდე ისხდნენ და ჯენიფერზე და კორტნიზე თავიანთ სექსუალურ ფანტაზიებს განიხილავდნენ, რაც საკმაოდ მძიმე იყო".

ჯენიფერი ენისტონი და კორტნი კოქსი

ჯენიფერი ენისტონი და კორტნი კოქსი

ფოტო: NBC

კუდროუმ აღნიშნა, რომ სცენარისტების ქცევას დიდ ყურადღებას არ აქცევდა, რადგან მათი უხამსი საქციელის უმეტესი წილი დახურულ კარს მიღმა ხდებოდა.

მეგობრების სცენარისტთა გუნდის ქცევების შესახებ საზოგადოებამ ჯერ კიდევ 2000-იანი წლების დასაწყისში შეიტყო ამაანი ლაილის საშუალებით. ლაილიმ, რომელიც 1999 წელს სერიალის მე-6 სეზონზე მუშაობდა, კომპანია Warner Bros. Television-ს სამუშაო გარემოს გამო უჩივლა. სარჩელში ის ამტკიცებდა, რომ სცენარისტები ხშირად აკეთებდნენ სექსისტურ და რასისტულ კომენტარებს, მას კი, როგორც ასისტენტს, ევალებოდა ჩაენიშნა ყველაფერი, რაც სცენარისტების ოთახში ითქმებოდა. საქმე საბოლოოდ უზენაეს სასამართლომდე მივიდა, რომელმაც ლაილის სარჩელი არ დააკმაყოფილა. სასამართლომ დაასკვნა, რომ მსგავსი უხეში ქცევები შემოქმედებითი პროცესის განუყოფელი ნაწილი იყო.

ასევე იხილეთ: