ადამიანი ობობა 4 წლის შემდეგ ბრუნდება.

2026 წლის 31 ივლისს Spider-Man: Brand New Day გამოდის. 17 მარტს პიტერ პარკერის როლის შემსრულებელმა, ტომ ჰოლანდმა, სოციალურ მედიაში ფილმის პირველი კადრების გავრცელება დაიწყო და ამ პროცესში ფანებიც ჩართო.

ტრეილერში ადამიანი ობობა ახალთახალი კოსტიუმით ბრუნდება. ეს ჰოლანდისთვის ადამიანი ობობას მეოთხე ფილმი და მარველის სამყაროში მისი მეშვიდე გამოჩენა იქნება.

ფოტო: Marvel

ადამიანი ობობას ბოლო ფილმის, Spider-Man: No Way Home-ის, შემოსავალმა კინოთეატრებში $1.9 მილიარდს გადააჭარბა. No Way Home-ში პიტერ პარკერი დიდ მსხვერპლზე მიდის, რათა ნიუ-იორკი და მულტისამყარო განადგურებისგან იხსნას. სამყაროს გადასარჩენად პიტერი თანხმდება, რომ ყველას დაავიწყდეს მისი ვინაობა. შედეგად, მის შეყვარებულ ემჯეის, საუკეთესო მეგობარ ნედსა და აბსოლუტურად ყველას ავიწყდება, რომ პიტერი ადამიანი ობობაა. ტრეილერში ვხედავთ, რომ მარტო დარჩენილი, დეიდა მეის სიკვდილით გამოწვეული ტკივილით სავსე პიტერი კვლავ სამყაროს გადასარჩენად იბრძვის.

ზოგჯერ ადამიან ობობას სწორად მოქცევა უწევს, მიუხედავად იმისა, რომ ეს პიტერ პარკერს გულს სტკენს

ფოტო: Marvel

Brand New Day-ში როგორც ნაცნობ, ისე სრულიად ახალ სახეებს ვიხილავთ. მარკ რუფალოს (ჰალკი) და ჯონ ბერნტალის (Punisher) გარდა, ეკრანებს უბრუნდება მაიკლ მანდოს პერსონაჟი — მორიელი (Scorpion), რომელიც მაყურებელმა Spider-Man: Homecoming-დან გაიცნო. სამსახიობო გუნდს ასევე შეუერთდნენ სეიდი სინკი, ტრამელ ტილმანი, ლიზა კოლონ-ზაიასი და მარვინ ჯონს II, რომელიც ტომბსტოუნის როლს შეასრულებს.

იხილეთ ტრეილერი: