2026 წლის ზაფხულში ტომ ჰოლანდი ადამიანი ობობას კოსტიუმით ბრუნდება. მანამ, სანამ ფილმის პირველი ტრეილერი გამოვა, Marvel ახალ კადრებს სოციალურ მედიაში, ფანების დახმარებით, ავრცელებს.

"ამ ფილმებზე მუშაობის პირველივე დღიდან უდიდეს სიყვარულსა და მხარდაჭერას ვგრძნობთ. ამ საოცარი საზოგადოების გარეშე ადამიანი ობობა არ იარსებებდა", — ამბობს ჰოლანდი ინსტაგრამზე გამოქვეყნებულ ვიდეოში.

"ჩვენი მადლიერების გამოსახატავად, ვაკეთებთ იმას, რაც აქამდე არასდროს გაკეთებულა. თვალი ადევნეთ, როგორ იწყება ახალი დღე მთელს მსოფლიოში — ჩვენი ყველაზე ერთგული ფანები ახალი ტრეილერის ფრაგმენტების გამოქვეყნებაში დაგვეხმარებიან", — განაგრძო მან.

Spider-Man: Brand New Day-ს ტრეილერი დღეს, 18 მარტს გამოვა, მანამდე კი შეგიძლიათ ფანების მიერ გავრცელებული კადრები ნახოთ:

Spider-Man: Brand New Day 2026 წლის 31 ივლისს გამოდის. ფილმის რეჟისორი დესტინ დანიელ კრეტონია, სცენარზე კი კრის მაკკენამ და ერიკ სომერსმა იმუშავეს. პროექტში უცვლელ მსახიობებს — ტომ ჰოლანდსა და ზენდეიას — ისევ ვიხილავთ. სამსახიობო გუნდს ასევე შეუერთდნენ სეიდი სინკი და ლიზა კოლონ-ზაიასი, თუმცა მათი როლები ამჟამად უცნობია.