ბოლო რამდენიმე დღეა, ოსკარის ნომინანტი მსახიობი, ტიმოთი შალამე, კრიტიკის ქარცეცხლშია, მიზეზი კი მთელი მსოფლიოს წინაშე იმის აღიარებაა, რომ "ოპერა და ბალეტი არავის აინტერესებს".

გავრცელებულ ვიდეოში, რომელშიც შალამესა და მეთიუ მაკკონაჰს დიალოგი აქვთ ტეხასის უნივერსიტეტის სტუდენტების თანდასწრებით, ტიმოთი ამბობს, რომ მას არ სურს ოპერასა თუ ბალეტში მუშაობა.

ფოტო: Variety

"არ მინდა, ბალეტში, ოპერაში ან ისეთ სფეროში ვმუშაობდე, რომელიც კაციშვილს აღარ აინტერესებს, მაგრამ მაინც გევალება, სიცოცხლე შეუნარჩუნო", — თქვა შალამემ — "ჩემი პატივისცემა ბალეტის მოცეკვავეებსა და ოპერის მომღერლებს", — სწრაფადვე დასძინა მსახიობმა.

ცხადია, მსახიობის ეს კომენტარი უპასუხოდ არ დაუტოვებიათ არც ოპერისა და ბალეტის გულშემატკივრებს და არც თავად ხელოვანებს.

მათ შორის, ინგლისის ნაციონალურმა ოპერამ ტიმოთის უფასო ბილეთები შესთავაზა, სიეტლის ოპერის სახლმა 14%-იანი ფასდაკლების ვაუჩერი გადასცა კარმენზე, თბილისის ოპერისა და ბალეტის თეატრი კი მსახიობის ამ კომენტარს შემდეგი ვიდეოთი უპასუხა:

@stateballetofgeorgia POV: nobody cares about ballet and opera A small reply from us to #timotheechalamet 🩰 #foryou #fyp #ballet #stateballetofgeorgia ♬ original sound - State Ballet of Georgia

რაც შეეხება ტიმოთის სამსახიობო კარიერას, იგი წელს ოსკარის 98-ე ცერემონიაზე მთავარი როლის შემსრულებელი საუკეთესო მსახიობი კაცის ნომინაციაშია წარდგენილი, ფილმისთვის Marty Supreme.

გარდა ამისა, წელს შალამეს დიუნის მესამე ნაწილშიც ვიხილავთ, რომლის პრემიერა 2026 წლის 18 დეკემბერს შედგება.