მოსკოვში, ბიცევსკის პარკის მეტროსადგურში (ბუტოვსკაიას ხაზი) აფეთქება მოხდა. ამის შესახებ ამის შესახებ ინფორმაცია თავდაპირველად Telegram-არხმა 112-მა გაავრცელა.

რუსული მედია წერს, რომ "აღჭურვილობა აფეთქდა", დაშავებულების შესახებ ინფორმაცია არ გავრცელებულა. ინციდენტის გამო მგზავრები იძულებულნი გახდნენ მიმდებარე მეტროს ხაზებზე გადასულიყვნენ. მეტროში მატარებლების მოძრაობა ამჟამად აღდგენილია.

გავრცელებულ ვიდეოში ჩანს სადგურზე გაჩერებული მატარებელი, კვამლის ტალღები და ადამიანი, რომელიც გარბის. რამდენიმე წამის შემდეგ ისმის ფეთქების ხმა.

მანამდე, მოსკოვის ტრანსპორტის დეპარტამენტმა განაცხადა, რომ ბუტოვსკაიას მეტროს ხაზზე ინფრასტრუქტურის შემოწმების მიზნით მომსახურების ინტერვალები დროებით გაიზარდა. შემოწმების მიზეზი არ გახმაურებულა.