ოცნების პარლამენტის თავმჯდომარემ, შალვა პაპუაშვილმა ჰელსინკის კომისიაში საქართველოს შესახებ მოსმენის უამინდობის გადადებაზე განაცხადა, რომ ვაშინგტონის ამინდის პროგნოზს ჩახედა და "მზიანი, უნალექო ამინდია და როგორც ჩანს, ვაშინგტონში ალაგ-ალაგ ქარი ქრის და შეიძლება იმ ალაგზეა ცუდი ამინდი.

"მე ჩავხედე, სხვათა შორის, ამინდის პროგნოზს ვაშინგტონში და მზიანი, უნალექო ამინდია და როგორც ჩანს, ვაშინგტონში ალაგ-ალაგ ქარი ქრის და შეიძლება იმ ალაგზე ცუდი ამინდია. ვერ გეტყვით, ან სხდომის მოწვევა რა იყო ან სხდომის გადადება რა იყო. თუმცა, თვალში საცემი იყო, როდესაც პრეზიდენტ ტრამპის მტერი, ლორა თორნტონი, რომელიც მას სექსუალურ მოძალადედ მოიხსენიებს, როდესაც პრეზიდენტ ტრამპის მტერს ჩვენების მისაცემად იწვევ — ნუ მე მგონი, პირველ რიგში საკუთარი თავის დისკრედიტაციას ახდენს ჰელსინკის კომისია, როდესაც ამერიკის პრეზიდენტის წინააღმდეგ ტყუილების შემთხზველ ქალბატონ თორნტონის იწვევ მოწმედ," — განაცხადა პაპუაშვილმა.

შეგახსენებთ, ჰელსინკის კომისიაში საქართველოს შესახებ მოსმენა უამინდობის გამო გადაიდო. ამის შესახებ აშშ-ს ჰელსინკის კომისია სოციალურ პლატფორმა X-ზე წერს. როდის გაიმართება მოსმენა, რომელსაც ასეთი სათაური აქვს — "ქართული ოცნების მიერ განსხვავებული აზრის წინააღმდეგ გაძლიერებულ რეპრესიები", ჯერჯერობით უცნობია.