დღეს, 26 იანვარს, ჰელსინკის კომისიაში საქართველოს შესახებ მოსმენა გაიმართება, რომელსაც ასეთი სათაური აქვს: "ქართული ოცნების მიერ განსხვავებული აზრის წინააღმდეგ გაძლიერებულ რეპრესიები". ამის შესახებ ინფორმაცია ჰელსინკის კომისიის ვებგვერდზე ვრცელდება.

"2024 წლის ოქტომბრიდან, საქართველოს მმართველმა პარტიამ, "ქართულმა ოცნებამ", დამოუკიდებლობის შემდეგ, ქვეყანა ყველაზე მძიმე კრიზისში ჩაითრია ადამიანის უფლებების მიმართულებით. მათ მიიღეს 20-ზე მეტი ახალი კანონი, რომლებიც აფართოებს სახელმწიფო ძალაუფლებას განსხვავებული აზრის ჩასახშობად და სასამართლოს დამოუკიდებლობას ართმევენ.

რეპრესიებმა სამოქალაქო საზოგადოება, ჟურნალისტები და პოლიტიკური ოპოზიცია მოიცვა. ხელისუფლებამ გაყინა მომიტინგეებისთვის იურიდიული დახმარების გამწევი ორგანიზაციების საბანკო ანგარიშები, დააკავა ჟურნალისტები და ოპოზიციის წარმომადგენლები ფიქტიური პროცესებისთვის დაიბარა სასამართლოში, რის გამოც ისინი მათი ლეგიტიმურობის აღიარებაზე უარის თქმის გამო დააპატიმრა. მშვიდობიანი პროტესტი ამჟამად მაღალ ჯარიმებსა და ხანგრძლივ პატიმრობას იწვევს", — წერია გავრცელებულ ინფორმაციაში.

ჰელსინკის კომისიის ცნობით, მოსმენაში მონაწილეობას მიიღებენ: McLarty Associates-ის უფროსი მმართველი დირექტორი, დოქტორი კლერ კაიზერი, მაკკეინის ინსტიტუტი უფროსი დირექტორი, ლორა თორნტონი, ჯორჯ მეისონის უნივერსიტეტის მკვლევარი ოლესია ვარტანიანი.