ადვოკატ ალან ბაზზაევის ინფორმაციით, თამარ მეარაყიშვილი შიმშილობის ფონზე საავადმყოფოში გადაიყვანეს. ბაზზაევის განცხადებით, მისი დაცვის ქვეშ მყოფი შიმშილობის შეწყვეტას არ აპირებს.

შეგახსენებთ, ოკუპირებულ ცხინვალში შპიონაჟის ბრალდებით დაპატიმრებული ქართველი სამოქალაქო აქტივისტი, თამარ მეარაყიშვილი მშრალ შიმშილობაზე გადავიდა, რის შედეგადაც მისი ჯანმრთელობის მდგომარეობა მკვეთრად გაუარესდა. ადვოკატის თქმით, მეარაყიშვილმა სრულად უარი თქვა არა მხოლოდ საკვებზე, არამედ წყალსა და მედიკამენტებზეც.

მეარაყიშვილი 22 დეკემბერს შპიონაჟის ბრალდებით დააკავეს. ოკუპირებული ცხინვალის საქალაქო სასამართლომ 24 დეკემბერს მას ორთვიანი წინასწარი პატიმრობა შეუფარდა.