ბარსელონა (ელ-პრატის აეროპორტი), რომი (ფიუმიჩინოს აეროპორტი), პარიზი (ბოვეს აეროპორტი) და პრაღა - დაბალბიუჯეტიანი ავიაკომპანია Wizz Air ქუთაისის საერთაშორისო აეროპორტიდან ოთხი ახალი მიმართულებით იფრენს. ევროპის აღნიშნულ ქალაქებში მოგზაურობა 2018 წლის მაისიდან იქნება შესაძლებელი.

ვიზეარი, ასევე აორმაგებს რეისების რაოდენობას დღემდე მოქმედ ყველაზე მოთხოვნად მიმართულებებზე და ქუთაისისი ბაზას დაემატება A320 ტიპის მეორე საჰაერო ხომალდი.

საერთო ჯამში Wizz Air საქართველოდან კვიპროსის, ჩეხეთის, საფრანგეთის, გერმანიას, საბერძნეთის, უნგრეთის, იტალიის, ლიტვის, პოლონეთის, ესპანეთის, დიდი ბრიტანეთის მიმართულებით ახორციელებს ფრენებს.