კალაძის ბანერი ამ რეჟიმისთვის გაცილებით უფრო ძვირფასია ვიდრე, ადამიანების სიცოცხლე და ჯანმრთელობა," — ამის შესახებ ლელო — ძლიერი საქართველოს ერთ-ერთმა ლიდერმა სალომე სამადაშვილმა განაცხადა და კოალიცია ცვლილებისთვის ლიდერის, ელენე ხოშტარიას დაკავებას გამოეხმაურა.

მისი თქმით, "ამ რეჟიმს აქვს ამოწურული ყველანაირი რესურსი, რომ ქვეყანა მართოს"

"ჩვენ გვმართავს რეპრესიული რუსული რეჟიმი და კალაძის ბანერი ამ რეჟიმისთვის გაცილებით უფრო ძვირფასია ვიდრე, ადამიანების სიცოცხლე და ჯანმრთელობა იმიტომ რომ დაუსჯელი რჩებიან კალაძის შტაბის ეს მოძალადეები რომლებიც ხალხს დაერივნენ სულ რამდენიმე დღის წინ და კალაძის რაღაც ფიზიონომიის ამსახველი პლაკატის დაზიანებისთვის უკვე მეორე ადამიანი დააპატიმრეს. ეს ყველაფერი აჩვენებს იმას, რომ ამ რეჟიმს აქვს ამოწურული ყველანაირი რესურსი, რომ ქვეყანა მართოს. ისინი არიან შეშინებულები და დამფრთხალები", — განაცხადა სალომე სამადაშვილმა

კოალიცია ცვლილებისთვის ლიდერის, ელენე ხოშტარიას დაკავება შინაგან საქმეთა სამინისტრომ ოფიციალური განცხადებით დაადასტურა. უწყებამ გამოძიება "ნივთის დაზიანების" მუხლით დაიწყო. ოპოზიციონერმა 14 სექტემბერს კალაძის ბანერებზე დააწერა: "რუსული ოცნება", "რუსი". ელენე ხოშტარიას თქმით, ამით მან სოლიდარობა გამოხატა მეგი დიასამიძის მიმართ, რომელიც ამავე ბანერებზე გაკეთებული წარწერის გამო დააკავეს და შემდეგ გირაოთი გაათავისუფლეს.