"ქართული ოცნება ქართულ კოშმარად გადაიქცა, ვინაიდან, ის არ აღმოჩნდა, რასაც აცხადებდა, რომ იყო" — განაცხადა "დემოკრატმა" კონგრესმენმა სტივ კოენმა ჰელსინკის კომისიაში მოსმენაზე, სახელწოდებით: "პარტნიორიდან პრობლემამდე: საქართველოს ანტიამერიკული გადახვევა".

კონგრესმენის თქმით, რუსეთს საქართველოში მოკავშირე ჰყავს ბიძინა ივანიშვილის სახით.

"არ მომწონს ადამიანების გარეგნობით განსჯა, მაგრამ როდესაც ის [ბიძინა ივანიშვილი] პირველად დავინახე, ყველა ნიშანი ჰქონდა — მაშინ ილონ მასკის შესახებ არ ვიცოდი — მაგრამ მას ყველა ნიშანი ჰქონდა, რაც მოგვიანებით ილონ მასკში დავინახე — მდიდარი, ამპარტავანი, ელიტისტი, საკუთარ თავზე დიდი წარმოდგენის მქონე. და ვიფიქრე — ეს არის დადებითი პერსონაჟი?..

ქართული ოცნება ქართულ კოშმარად გადაიქცა, ვინაიდან, ის არ აღმოჩნდა, რასაც აცხადებდა, რომ იყო…

რუსეთმა საქართველოს ნაწილი დაიპყრო და კვლავ გააკეთებს ამას, თუ შესაძლებლობა ექნება. თან ახლა მოკავშირე ჰყავთ იქ, ბატონი ივანიშვილის სახით, ასე რომ, უფრო მარტივია დაპყრობა შიგნიდან," — განაცხადა სტივ კოენმა. [IPN]

კონგრესმენის თქმით, "MEGOBARI აქტს" დიდი მხარდაჭერა აქვს და სამწუხაროა, რომ მისი მიღება სენატში ვერ მოხდა.

სამწუხაროა, რომ სენატმა არ მიიღო და არ მიიღებს "MEGOBARI აქტს", რაღაც პრობლემები იყო...

მაგრამ ბატონი [ჯო] უილსონი მართალია, იმდენად დიდი უმრავლესობაა, დემოკრატები და რესპუბლიკელები, ორპარტიულად უჭერენ მხარს კანონპროექტს და ეს თითქმის გაუგონარია, დიდი მხარდაჭერაა. და იქ, როგორც ჩანს, ერთმა ადამიანმა შეძლო მისი "ჩაკვლა", და გასაოცარია, რომ ეს მოხდა, რატომ მოხდა, არ მესმის," — განაცხადა სტივ კოენმა.

ჰელსინკის კომისიამ გუშინ საქართველოს შესახებ მოსმენა სახელწოდებით "პარტნიორიდან პრობლემამდე: საქართველოს ანტიამერიკული შემობრუნება" გამართა. კომისიამ საქართველოს მეხუთე პრეზიდენტს, სალომე ზურაბიშვილს; საქართველოს თავდაცვის ყოფილ მინისტრს თინათინ ხიდაშელს და ჰადსონის ინსტიტუტის უფროს მკვლევარს ლუკ კოფის მოუსმინა.

რა თქვეს გამომსვლელებმა:

ასევე იხილეთ: