ისრაელმა სამშაბათს, 9 სექტემბერს კატარში ჰამასის პოლიტიკური ლიდერობის შტაბბინაზე იერიში მიიტანა. ისინი ღაზას სექტორში ცეცხლის შეწყვეტის შესახებ აშშ-ს წინადადების განსახილველად იყვნენ შეკრებილები. როგორც AP წერს, დარტყმა, რომელიც აშშ-ის მოკავშირის ტერიტორიაზე განხორციელდა მოვლენების მოულოდნელი ესკალაცია იყო.

ამ თავდასხმამ კატარი, რომელსაც მნიშვნელოვანი შუამავლის როლი ჰქონდა ისრაელსა და ჰამასს შორის 23-თვიან ომში — გააღიზიანა.

ჰამასმა განაცხადა, რომ მისი უმაღლესი ლიდერები თავდასხმას გადაურჩნენ, თუმცა დაიღუპა ხუთი ქვედა დონის წევრი, მათ შორის ხალილ ალ-ჰაიას — ჰამასის ღაზის ლიდერისა და მთავარი მომლაპარაკებლის — შვილი, სამი მცველი და ალ-ჰაიას ოფისის უფროსი.

შეერთებულმა შტატებმა განაცხადა, რომ ისრაელმა შეტევის შესახებ წინასწარ გააფრთხილა. თეთრმა სახლის განცხადებით, დონალდ ტრამპი მიიჩნევს, რომ ეს დარტყმა "სამწუხარო ინციდენტი" იყო, რომელიც მშვიდობის მიღწევას ხელს არ უწყობს. პრესმდივანმა კაროლაინ ლევიტმა თქვა, რომ ტრამპი ისრაელის პრემიერმინისტრ ბენიამინ ნეთანიაჰუს ესაუბრა და "თავისი აზრი და შეშფოთება მკაფიოდ გააცნო".