ბავშვების მონაცემების შეგროვების გამო, Disney ჯარიმის გადახდას დათანხმდა, რომლის ოდენობა 10 მილიონ დოლარს შეადგენს.

აშშ-ს ფედერალურმა სავაჭრო კომისიამ განაცხადა, რომ დისნეიმ Youtube-ზე ვიდეოები "ბავშვებისთვის შექმნილ" კატეგორიაში არ განათავსა. ეს კატეგორია განკუთვნილია ბავშვებისთვის და ის მათ მონაცემების შეგროვებისა და რეკლამებისგან იცავს.

ფედერალური სავაჭრო კომისიის (FTC) განცხადებაში ნათქვამია, რომ დისნეი შეცვლის თავის პრაქტიკას ბავშვთა კონფიდენციალურობის დაცვის შესახებ (კანონის შესაბამისად), რომელიც 13 წლამდე ასაკის მომხმარებლების მონაცემთა შეგროვებისთვის მშობლების თანხმობას მოითხოვს.

"FCT დისნეის მშობლების ნდობის ბოროტად გამოყენებისთვის სჯის. ისინი მალე ისეთ სავალდებულო პროგრამას შექმნიან, რითაც ბავშვები ონლაინ სივრცეში დაცულები იქნებიან", —განაცხადა ფედერალური სავაჭრო კომისიის თავმჯდომარემ, ენდრიუ ფერგიუსონმა.

რაც შეეხება დისნეის, მათ განაცხადეს, რომ ისინი ბავშვთა კონფიდენციალურობის კანონებს ერთგულად იცავენ.

"ბავშვებისა და ოჯახების კეთილდღეობისა და უსაფრთხოების დაცვა ჩვენი საქმიანობის უმთავრესი პრინციპია", — განაცხადა კომპანიამ — "ეს შეთანხმება არ ეხება დისნეის საკუთრებაში არსებულ ციფრულ პლატფორმებს, არამედ შემოიფარგლება YouTube-ის პლატფორმაზე ჩვენი კონტენტის ნაწილის გავრცელებით. დისნეის ბავშვთა კონფიდენციალურობის კანონების უმაღლესი სტანდარტებით დაცვის ხანგრძლივი ტრადიცია აქვს და ჩვენ კვლავ ერთგულად ვაგრძელებთ ამ საქმიანობას".

ჯერ კიდევ 2019 წელს, YouTube-ს ბავშვებზე მონაცემების ფარულად შეგროვების გამო 170 მილიონი დოლარის ოდენობის თანხის გადახდა დაევალა. ამ შეთანხმების ფარგლებში, YouTube-მა მასალის მომწოდებლებისგან მოითხოვა, ინფორმაცია არის თუ არა ვიდეო კონკრეტულად ბავშვებისთვის შექმნილი.

ფედერალური სავაჭრო კომისიის საჩივრის მიხედვით, იუთუბმა 2020 წლის ივნისში დისნეის აცნობა, რომ დაახლოებით 300 ფილმი, მათ შორის — სუპერ ოჯახი, კოკო, სათამაშოების ისტორია, რაპუნცელი და გაყინული, არ იყო კლასიფიცირებული, როგორც "ბავშვებისთვის განკუთვნილი".

საჩივრის თანახმად, დისნეის პოლიტიკა ვიდეოების ბავშვებისთვის განკუთვნილ არხზე მონიშვნას გულისხმობს, თუმცა ამის მიუხედავად, მათ მაინც გამოაქვეყნეს ვიდეოები "ბავშვებისთვის შეუფერებელ" არხებზე, რის შედეგადაც ისინი სტანდარტულად მათთვის შეუფერებელ ვიდეოდ მონიშნეს. ეს ვიდეოები მოიცავს მულტფილმებს, კარაოკე სიმღერებს და მსახიობებს ვიდეოებს, რომლებიც ბავშვებს ზღაპრებს უკითხავენ.

"იმის გამო, რომ დისნეიმ ბავშვებისთვის განკუთვნილი ვიდეოები MFK-ად (Made For Kids) არ მონიშნა, იუთუბმა დაიწყო ბავშვების პერსონალური ინფორმაციის შეგროვება და მიზნობრივ რეკლამები", — ნათქვამია სარჩელში.

შეთანხმების თანახმად, დისნეიმ უნდა მონიშნოს შესაბამისი აუდიტორია, რათა იუთუბზე გამოქვეყნებული ყველა ვიდეო სათანადოდ კლასიფიცირდეს. აგრეთვე, იუთუბმა შესაძლოა, დანერგოს ასაკის დადგენის ტექნოლოგია, რომლის მეშვეობითაც პლატფორმა შეძლებს ყველა მაყურებლის ასაკის იდენტიფიცირებას, რითაც გაათავისუფლებს ინდივიდუალური ვიდეოების მონიშვნის ვალდებულებას.