"პუტინი მზადაა შეხვდეს ზელენსკის, როდესაც სამიტის დღის წესრიგი მზად იქნება," — ამის შესახებ რუსეთის საგარეო საქმეთა მინისტრმა სერგეი ლავროვმა NBC News-თან ინტერვიუში განაცხადა და აღნიშნა, რომ "ეს დღის წესრიგი საერთოდ არ არის მზად".

ლავროვი ამბობს, რომ "შეხვედრა დაგეგმილი არ არის".

შეგახსენებთ, ტამპის მიერ უკრაინის პრეზიდენტთან და ევროპელ ლიდერებთან შეხვედრის შემდეგ რუსეთის პრეზიდენტ ვლადიმერ პუტინს ტელეფონით ესაუბრა, რომლის შემდეგაც ტრამპმა საკუთარ სოციალურ ქსელში Truth Social-ში დაწერა, რომ პუტინს, მასსა და პრეზიდენტ ზელენსკის შორის შეხვედრის ორგანიზება დაიწყო. ერთ-ერთი მიზეზი, რის გამოც უკრაინისა და რუსეთის პრეზიდენტების შეხვედრის ორგანიზება ვერ ხდება, შეხვედრის ადგილია. ვოლოდიმირ ზელენსკი მოსკოვში ჩასვლაზე უარს ამბობს, არც პუტინი აპირებს უკრაინაში ჩასვლას.

ემანუელ მაკრონმა TF1-LCI-ს ექსკლუზიური ინტერვიუში განაცხადა, რომ პუტინისა და ზელენსკის შეხვედრა შესაძლოა ევროპაში გაიმართოს. ის თვლის, რომ უკრაინისა და რუსეთის პრეზიდენტების შეხვედრისთვის შესაფერისი ქვეყანა შვეიცარიაა. საფრანგეთის პრეზიდენტის ამ განცხადების შემდეგ შვეიცარიის საგარეო საქმეთა მინისტრმა იგნაციო კასისმა გამოცემა SRF-ს განუცხადა, რომ შვეიცარია მზადაა უმასპინძლოს რუსეთ-უკრაინის სამშვიდობო მოლაპარაკებებს.

ასევე იხილეთ: