რუსი მოდელი კსენია ალექსანდროვა, რომელიც 2017 წელს მის მსოფლიოზე მონაწილეობდა და მის რუსეთში მეორე ადგილი დაიკავა, 30 წლის ასაკში ავტოავარიის შედეგად დაიღუპა.

ავარია ერთი თვის წინ, რუსეთში, ტვერის ოლქში მოხდა. ალექსანდროვა მეუღლესთან ერთად მანქანით მოძრაობდა, როცა მოულოდნელად გზაზე ცხენირემი გადმოხტა და მათ პორშე პანამერას შეეჯახა. ცხოველი ავტომობილის სალონში აღმოჩნდა, მგზავრის სავარძელში მჯდომმა ალექსანდროვამ თავის მძიმე ტრავმა მიიღო და კომაში ჩავარდა.

მძიმედ დაშავებული მოდელი მოსკოვის საავადმყოფოში ერთი თვის განმავლობაში მკურნალობდა, თუმცა 12 აგვისტოს გარდაიცვალა. მისი მეუღლე მსუბუქად დაშავდა.