ოცნების პრემიერი ირაკლი კობახიძე გუშინ, 9 ივლისს ევროპარლამენტის მიერ საქართველოში მიღებულ რეზოლუციას "სამარცხვინოს" უწოდებს და მასზე პასუხისმგებლობას "ევროკავშირის მთელ ბიუროკრატიას" აკისრებს.

მისი თქმით, "სამარცხვინოა ქართველი ხალხის შანტაჟი იმის გამო, რომ მან ხელისუფლებაში არ დააბრუნა კოლექტიური ნაცმოძრაობა".

"ეს არის ევროპარლამენტის მორიგი, თუ არ ვცდები, მეშვიდე აბსოლუტურად სამარცხვინო რეზოლუცია. მე მგონი, ამაზე მთლიანად პასუხისმგებლობა უნდა აიღოს მთლიანად ევროკავშირის ბიუროკრატიამ. ეს არ არ სი მხოლოდ ევროპარლამენტის სამარცხვინო ქმედება, ამაზე პასუხისმგებლობა უნდა აიღოს მთლიანად ევროპულმა ბიუროკრატიამ. ძალიან სამარცხვინოა ქართველი ხალხის შანტაჟი იმის გამო, რომ მან ხელისუფლებაში არ დააბრუნა კოლექტიური ნაცმოძრაობა. ამის გამო ქართველი ხალხის დაშანტაჟება არის სირცხვილი", — განაცხადა ოცნების პრემიერმა, ირაკლი კობახიძემ ევროპარლამენტის მიერ 9 ივლისს მიღებულ რეზოლუციაზე.