PSP-ს აფთიაქებში წნევის უფასო მონიტორინგის დღეები იწყება, რაც გულისხმობს მომხმარებლის სურვილის შემთხვევაში, შვეიცარიული კომპანია — მიკროლაიფის უზუსტესი წნევის საზომი აპარატებით დიაგნოსტიკას.

მიკროლაიფის მოწყობილობების სიზუსტე, სანდოობა და ინოვაციური ტექნოლოგიები, საშუალებას იძლევა, აღმოვაჩინოთ ორგანიზმის სხვა დარღვევები და დროულად მივმართოთ ექიმს.

ტონომეტრების მოდელების მრავალფეროვანი არჩევანი: მაჯისა და მხრის, ავტომატური და ნახევრადავტომატური, PC კავშირით და სხვ. მარტივი და მოსახერხებელია სახლის პირობებში გამოყენებისთვისაც. ასე მაგ., AFIB ტექნოლოგია გაზომვისას ამოიცნობს არითმიის რისკს. ამ უნიკალური ტექნოლოგიის გამო, Microlife-ს ინსულტის პრევენციის პირველ ნაბიჯად თვლიან.

მარტივი და კომფორტული ინტერფეისი, Touch ეკრანები და დიდი ციფრები, მორგებულია ყველა ასაკისთვის, მათ შორის, უფროსი თაობისთვის. ტონომეტრი ავტომატურად ზომავს სამჯერ და აჩვენებს საშუალო ნიშნულს, რაც ამცირებს ცდომილებას.

ზოგ მოდელში ინტეგრირებული Bluetooth საშუალებას იძლევა მომხმარებელმა მარტივად გადაიტანოს მონაცემები მობილურში და/ან გაუზიაროს ექიმს. ყველა მოდელი ტესტირებულია კლინიკურად (ESH, BHS, MAM ) და გამოირჩევა მაღალი სიზუსტით, როგორც ექიმებისთვის, ისე საოჯახო გამოყენებისთვის.

მონიტორინგის შედეგად არითმიის რისკის აღმოჩენისას, აქციის ფარგლებში, მომხმარებელს გადაეცემა ნიუ ჰოსპიტალსის კარდიოლოგის კონსულტაციის 50%-იანი ფასდაკლების ვაუჩერი, ივლისის ბოლომდე სარგებლობისთვის.

მონიტორინგის დღეები იწყება თბილისში, 17 ივნისს პეკინის N14-ში მდებარე PSP აფთიაქში და გავრცელდება სხვადასხვა უბანში, ასევე ეტაპობრივად ჩატარდება რეგიონებში. მომხმარებლებს განრიგის ნახვა შეუძლიათ PSP-ს ოფიციალურ გვერდებზე www.psp.ge და Facebook გვერდზე.

მიკროლაიფი (Microlife) მსოფლიო ლიდერია სამედიცინო დიაგნოსტიკური აპარატურის წარმოებაში. არტერიული წნევის მონიტორების, ციფრული თერმომეტრების და ნებულაიზერების შვეიცარიული ხარისხი და სიზუსტე, განაპირობებს ამ აპარატურის მიმართ მსოფლიოს სხვადასხვა ქვეყანაში ექიმების მაღალ ნდობას.