"ოცნების" პრემიერმა, ირაკლი კობახიძემ აშშ-ს სახელმწიფო მდივნის, მარკო რუბიოს 26 მაისის მილოცვაზე გააკეთა კომენტარი, რომელსაც კონკრეტული ადრესატი არ ჰყავს და დამოუკიდებლობის დღეს ქართველ ხალხს მიულოცა.

კობახიძე ამ ყველაფერს "დიფ სთეითის" გავლენებით ხსნით და ამბობს, რომ "თუ "დიფ სთეითმა" უნდა განსაზღვროს ამერიკული მილოცვები, ამას არავითარი ფასი არ აქვს".

"თქვენ ნახეთ, რომ სახელმწიფო დეპარტამენტიდან გავრცელდა ადრესატის გარეშე მილოცვა. ასევე ელჩი არ ესწრებოდა ღონისძიებას. საბაბი იყოს ის, რომ ჯერ თქვეს, რომ არ იყო თბილისში, შემდეგ საჯაროდ განაცხადეს, რომ საქართველოშიც არ იყო. რა თქმა უნდა, ეს არის არასწორი მიდგომა. ამერიკის შეერთებულ შტატებში მიმდინარეობს ბრძოლა ტრამპის ადმინისტრაციასა და "დიფ სთეითს" შორის.

აშკარად გამოჩნდა, რომ იგივე სახელმწიფო დეპარტამენტის ხაზით პირდაპირ უპირატესობა, დომინირებული მდგომარეობა ჰქონდა "დიფ სთეითს" და ამას უკავშირდება ის აქტები, რომელიც ჩვენ ვიხილეთ. ეს არის არასწორი დამოკიდებულება, ეს არის ასევე აროგანტული დამოკიდებულება.

[…] არ შეიძლება მუდმივად საუბარი იმაზე, რომ რომ არა ამერიკული მხარდაჭერა, საქართველო არ იარსებებდა. სამი ათასი წელია არსებობს ჩვენი ქვეყანა, 23 საუკუნეა არსებობს ჩვენი სახელმწიფოებრიობა, ამიტომ აროგანტობას არ აქვს არავითარი საფუძველი და კიდევ ერთხელ — "დიფ სთეითი" მძლავრობს, ამას ვხედავთ. თუ "დიფ სთეითმა" უნდა განსაზღვროს ამერიკული მილოცვები, ამას არავითარი ფასი არ აქვს ჩვენთვის.

მთლიანად ეს არის ბიუროკრატიაში ჩაბუდებული სისტემა. მიმდინარეობს ბრძოლა.
[...] ასეთ მილოცვას ჩვენთვის არავითარი ფასი არ აქვს, — თქვა ივანიშვილის წარმომადგენელმა, ირაკლი კობახიძემ აშშ-ს სახელმწიფო მდივნის, მარკო რუბიოს მიერ 26 მაისის მოსალოც განცხადებაზე საუბრისას", — თქვა კობახიძემ.