რესპუბლიკურმა პარტიამ თვითმმართველობის არჩევნებში თბილისის საკრებულოს საარჩევნო სიის მეორე ხუთეულში ლგბტ აქტივისტი ნინო ბოლქვაძე წარადგინა.

რესპუბლიკური პარტიის თავმჯდომარის, ხათუნა სამნიძის თქმით, ბოლქვაძის ხედვები პარტიის ხედვებს ემთხვევა:

"ჩვენ ამაყნი ვართ, რომ ის ენდო რესპუბლიკურ პარტიას. ის ხედავს თბილისს, როგორც უსაფრთხო ქალაქს და ამ მიმართულებით იმუშავებს საკრებულოში."

იურისტ ნინო ბოლქვაძეს ღიად აქვს დაფიქსირებული, რომ ლესბოსელია.

მეორე ხუთეულის სია:

  • ტრისტან ჯინჭარაძე
  • ნინო ბოლქვაძე
  • გიორგი ჭანდიაშვილი
  • თინა გელეყვა
  • გიორგი ჩუბინიძე

მანამდე, 6 სექტემბერს რესპუბლიკურმა პარტიამ ადგილობრივი თვითმმართველობის არჩევნებში თბილისის მუნიციპალიტეტის საკრებულოს სიის პირველი ხუთეული დაასახელა:

  • ხათუნა სამნიძე
  • მიხეილ ჩემია
  • დავით ზურაბიშვილი
  • თამარ კორძაია
  • ლაშა გომარაშვილი