თბილისის ინტერპოლის და სარფის თანამშრომლებმა ვისბადენის ინტერპოლის მიერ ძებნილი აზერბაიჯანის რესპუბლიკის მოქალაქე ელვინ ი. მაშინ დააკავეს, როდესაც ის თურქეთიდან საქართველოში შემოსვლას ცდილობდა.

დაკავებული 2016 წლის თებერვლიდან საერთაშორისო დონეზე იძებნებოდა და მას ბრალი ედება გერმანიის სისხლის სამართლის კოდექსის 249-ე, 250-ე და 25-ე მუხლებით გათვალისწინებული დანაშაულის ჩადენისათვის, რაც დამამძიმებელ გარემოებაში ჩადენილ ყაჩაღობას გულისხმობს.

შსს-ს ინფორმაციით, ამ დროისთვის დაკავებულის მიმართ კანონით გათვალისწინებული წინასაექსტრადიციო პროცედურები მიმდინარეობს.