ევროსაბჭოს საპარლამენტო ასამბლეაში ALDE-ს ჯგუფი დროას ლიდერის, ელენე ხოშტარიას დაუყოვნებლივ გათავისუფლებას ითხოვს. ამის შესახებ სოციალურ ქსელში ალდეს თავმჯდომარე იულიან ბულაი წერს.

"დროას ლიდერის, ელენე ხოშტარიას დაკავებიდან ერთი წელი გავიდა. ის ქართული ოცნების ბანერზე "რუსული ოცნების" დაწერის გამო დააკავეს. "საერთაშორისო ამნისტია" მის 18-თვიან პატიმრობას პოლიტიკურად მოტივირებულად მიიჩნევს. ჩვენ მის დაუყოვნებლივ გათავისუფლებას მოვითხოვთ", — წერს იულიან ბულაი.

ცნობისთვის, 2026 წლის 24 მარტს, კოალიცია ცვლილებისთვის ერთ-ერთ ლიდერს, ელენე ხოშტარიას კახა კალაძის საარჩევნო ბანერზე მარკერით "რუსული ოცნების" დაწერისთვის 1 წლითა და 6 თვით პატიმრობა მიესაჯა — გადაწყვეტილება მოსამართლე გიორგი არევაძემ მიიღო.