საქართველოს მთავრობის მიერ გავრცელებული ინფორმაციით, თელავის მუნიციპალიტეტში, სოფ. ართანას მიმდებარედ, მთის ფერდობზე არსებულ ტყის მასივში ვითარება სტაბილურია:

"ამ დროისთვის, არ ფიქსირდება ღია ცეცხლი. მიმდინარეობს ცალკეული კერების დამუშავების პროცესი. ადგილზე რჩება და მუშაობას უწყვეტ რეჟიმში განაგრძობს შსს-ს 500-ზე მეტი თანამშრომელი."

უწყების ცნობით, სოფელ ხახაბოს მიმდებარედ, მთის ფერდობზე არსებულ ტყის მასივში გაჩენილი ხანძარი ლიკვიდირებულია. ნახანძრალი ტერიტორიის დამუშავებისა და მონიტორინგის მიზნით, ადგილზე რჩებიან მეხანძრე-მაშველები და ეროვნული სატყეო სააგენტოს თანამშრომლები.

გავრცელებული ინფორმაციით, ხულოს მუნიციპალიტეტში, შავნაბადას მთის ფერდობზე ხანძრის ცალკეული კერების სალიკვიდაციო სამუშაოები და ტერიტორიის დამუშავების პროცესი მიმდინარეობს. ადგილზე შსს-ს 700-მდე თანამშრომელი და 2 ვერტმფრენი აგრძელებს მუშაობას.