2 მარტს ლოს-ანჯელესში ოსკარის დაჯილდოების რიგით 97-ე ცერემონია გაიმართა. კინოსამყაროს ერთ-ერთ ყველაზე პრესტიჟულ ღონისძიებაზე წელსაც არაერთი გამორჩეული მომენტი ვიხილეთ. წლევანდელ ოსკარს, ცხადია, არც უცნაური, სასაცილო და უხერხული შემთხვევების გარეშე არ ჩაუვლია. მათგან რამდენიმეს ქვემოთ მოვუყარეთ თავი.

1. ედრიენ ბროუდიმ თავის პარტნიორს საღეჭი რეზინი ესროლა

როცა მთავარი როლის შემსრულებელი მსახიობი კაცის ნომინაციაში გამარჯვებულად ბროუდი დასახელდა, მსახიობი ჯილდოს ასაღებად სცენისკენ დაიძრა, მაგრამ გზად გაახსენდა, რომ პირში საღეჭი რეზინი ჰქონდა, ამიტომ, უკან მიტრიალდა და უცერემონიოდ ესროლა თავის პარტნიორს, ჯორჯინა ჩეპმენს.

2. სამადლობელი სიტყვის წარმოთქმისას, ბროუდიმ მუსიკაც გამოართვევინა

ბროუდიმ თავისი სამადლობელი სიტყვის წარმოთქმას, არც მეტი, არც ნაკლები, 5 წუთი და 40 წამი მოანდომა, რითაც რეკორდიც კი მოხსნა. თუმცა, როცა დასასრულს სიტყვა მუსიკამ გააწყვეტინა, მაინც არ აჩქარებულა და მისი გამორთვა მოითხოვა.

3. წამყვანმა კარლა სოფია გასკონის სკანდალზე იხუმრა

"საინტერესო ფაქტს გეტყვით: ფილმში Anora F-ზე დაწყებული სიტყვა [გინება ინგლისურად] 479-ჯერ არის ნახსენები. ეს კარლა სოფია გასკონის მენეჯერის დამყარებულ რეკორდს სამით აღემატება", — იხუმრა წლევანდელი ოსკარის წამყვანმა, ამერიკელმა კომიკოსმა კონან ო'ბრაიენმა.

კარლა სოფია გასკონი, რომელიც საუკეთესო მსახიობი ქალის ნომინაციაში იყო წარდგენილი, რამდენიმე კვირის წინ სკანდალში გაეხვა თავისი ძველი პოსტების გამო.

4. ო'ბრაიენმა იხუმრა დრეიკზეც

"ჩვენი შოუს ნახევარი მიიწურა, რაც იმას ნიშნავს, რომ დროა, კენდრიკ ლამარი გამოვიდეს და დრეიკს პედოფილი დაუძახოს".

საქმე ისაა, რომ ლამარმა წელს ამერიკის ეროვნული საფეხბურთო ლიგის ჩემპიონატის, "სუპერ-ბოულის", ფინალზე იმღერა (მატჩის პირველი ნახევრის შემდეგ) და სიმღერა Not Like Us შეასრულა, რომელშიც დრეიკს პედოფილს უწოდებს.

5. არიანა გრანდემ თავის კაბას პრაქტიკული დანიშნულება მოუძებნა

ჰო, სწორედაც რომ ტელეფონის დასადებ მაგიდად გამოიყენა...

6. ლილი-როუზ დეპის სცენაზე გამოსვლისას, ეკრანზე მისი ყოფილი პარტნიორის, ტიმოთი შალამეს, სურათი იყო ნაჩვენები

7. ედრიენ ბროუდიმ და ჰალი ბერიმ 2003 წლის ოსკარიდან სცენა გააცოცხლეს და ისევ აკოცეს ერთმანეთს

თანაც, ბროუდის პარტნიორის თანდასწრებით...

8. დაბოლოს — უბრალოდ, ადამ სენდლერის ჩაცმულობა

ასევე იხილეთ:

თუ ფილმები შენი ცხოვრების განუყოფელი ნაწილია და მათი განხილვაც გიყვარს, შემოგვიერთდი ჯგუფში ერთი ფილმიც და...