"უკრაინა უნდა იყოს დემილიტარიზებული, ნეიტრალური სახელმწიფო და არა რომელიმე ბლოკის ან ალიანსის ნაწილი" — ამბობს გაერო-ში რუსეთის მუდმივმა წარმომადგენელი, ვასილი ნებენზია ნიუ-იორკში, გაერო-ს უშიშროების საბჭოს შეხვედრაზე.

ამის შესახებ Sky News წერს.

მისი თქმით, დიდი ბრიტანეთი და ევროკავშირი ვერანაირად ვერ იქნებიან უკრაინასთან დაკავშირებული რაიმე რეზოლუციის მხარეები, რადგან ისინი აბსოლუტურად არ ასრულებენ სიტყვას.

"ისინი ვერ იქნებიან უკრაინის კრიზისის მოგვარების შესახებ რაიმე სამომავლო შეთანხმების მხარე. ისინი დაბრმავებულნი არიან პრიმიტიული რუსოფობიით, მათი მანიაკალური სურვილია დაამარცხონ ჩვენს ქვეყანა ბრძოლის ველზე და ამაში გამოიყენო ის უკრაინელები, რომლებიც ცოცხლად არიან დარჩენილი", — თქვა ვასილი ნებენზიამ.

ის უკრაინის პრეზიდენტ ვლადიმირ ზელენსკის თვითგამოცხადებულ პრეზიდენტს უწოდებს და ამბობს, რომ "ქვეყანა კონფლიქტში მან ჩაითრია". მისივე თქმით, ზელენსკის "სიკვდილივით ეშინია არჩევნების" და აკეთებს "ყველაფერს, რომ ის გააჭიანურონ".

შეგახსენებთ, რომ ხვალ, 18 თებერვალს საუდის არაბეთში აშშ-ს და რუსეთის ოფიციალური პირებს შორის შეხვედრა იგეგმება. რუსეთის პრეზიდენტის, ვლადიმერ პუტინის პრესმდივანმა დიმიტრი პესკოვმა ეს ინფორმაცია დაადასტურა. მისი თქმით, რუსეთის საგარეო საქმეთა მინისტრი სერგეი ლავროვი და რუსეთის პრეზიდენტის თანაშემწე იური უშაკოვი სამშაბათს ერ-რიადში აშშ-ის წარმომადგენლებს შეხვდებიან.

აშშ-ს მოლაპარაკებებში წარმოადგენენ სახელმწიფო მდივანი მარკ რუბიო, ეროვნული უსაფრთხოების მრჩეველი მაიკ უოლცი და პრეზიდენტის სპეციალური წარმომადგენელი ახლო აღმოსავლეთში სტივ ვიტკოფი.