ოკუპირებულ ახალგორში ტყეში ხანძარია. ინტერპრესნიუსის ცნობით, სახელმწიფო უსაფრთხოების სამსახურში აცხადებენ, რომ ხანძარი ტყის მასივში გაჩნდა. მათივე ინფორმაციით, ხანძრის სოფლამდე გავრცელების საშიშროება არ არის.

როგორც სუს-ში აცხადებენ, მათ მიერ გააქტიურდა ცხელი ხაზი, ასევე, საქმის კურსშია ევროკავშირის სადამკვირვებლო მისიაც.

მოძრაობის ძალა ერთობაშია დამფუძნებელი დავით ქაცარავა ხანძრის ამსახველ ფოტოებს აქვეყნებს და წერს, რომ ხანძარმა უკვე რამდენიმე ჰექტარი ტყე გადაწვა და "ოკუპანტებისგან არანაირი მოქმედება არ ფიქსირდება".