"ოცნების" პრემიერმინისტრი ირაკლი კობახიძე დელეგაციასთან ერთად არაბთა გაერთიანებულ საემიროებში გაემგზავრა.

აღნიშნულ ინფორმაციას მთავრობის სამინისტრო ავრცელებს და წერს, რომ ვიზიტის ფარგლებში, მთავრობის მეთაური შეხვდება არაბთა გაერთიანებული საემიროების პრეზიდენტს, შეიხ ომჰამედ ბინ ზაიედ ალ ნაჰიანთანს, ასევე გაერთიანებული საამიროების ტოლერანტობის მინისტრს, შეიხ ნაჰიან ბინ მუბარაქ ალ ნაჰიანს.

იმავე ინფორმაციით, კობახიძესთან ერთად დელეგაციაის შემადგენლობაში არიან: კახა კალაძე, თორნიკე რეჟვაძე, მაკა ბოჭორიშვილი, ლევან დავითაშვილი და ლევან ჟორჟოლიანი.

"ვიზიტის ფარგლებში, ხელი მოეწერება თანამშრომლობის მემორანდუმს ერთ-ერთ უმსხვილეს დეველოპერულ კომპანია

EMAAR-თან, რომლის ფარგლებში საქართველოში მრავალმილიარდიანი ინვესტიცია განხორციელდება.

ამასთან, დაგეგმილია შეხვედრა აბუ-დაბის სახელმწიფო საინვესტიციო კომპანიასთან და მის ლოგისტიკურ მიმართულებასთან, აბუ-დაბი პორტის ჯგუფთან, რომელიც აქტიურად არის ჩართული შუა დერეფნის განვითარებაში. კომპანია ახორციელებს თბილისის მშრალი პორტის პროექტს, რომელიც 2025 წელს დასრულდება. იგეგმება კომპანიასთან თანამშრომლობის შემდგომი გაფართოება სტრატეგიულ, ლოგისტიკურ და სატრანსპორტო პროექტებში.

საქართველოს პრემიერ-მინისტრი აბუ-დაბიში დელეგაციასთან ერთად გაემგზავრა, რომლის შემადგენლობაში პირველი ვიცე-პრემიერი, ეკონომიკისა და მდგრადი განვითარების მინისტრი ლევან დავითაშვილი, საგარეო საქმეთა მინისტრი მაკა ბოჭორიშვილი, თბილისის მერი კახა კალაძე, აჭარის ავტონომიური რესპუბლიკის მთავრობის თავმჯდომარე თორნიკე რიჟვაძე და მთავრობის ადმინისტრაციის უფროსი ლევან ჟორჟოლიანი არიან", — აღნიშნულია გავრცელებულ ინფორმაციაში.