თბილისში, რესტორან "ბაბილოში" მოსამართლეები იკრიბებიან. ადგილზე შეკრებილი არიან პროევროპულ აქციებზე დაკავებულების ოჯახის წევრები და მოქალაქეები და საპროტესტო აქციას მართავენ. შეკრებილებს გაშლილი აქვთ ბანერი: "კორუმპირებული სასამართლო აუქმებს დემოკრატიას და ადამიანია უფლებებს".

„რა შეიძლება ვუთხრა მონებს, რომლებიც რეჟიმს ამაგრებენ და ერთი კაცის ნება-სურვილზე დადიან. ამათ აზრი დაუკარგეს სასამართლოს და, ზოგადად, სამართალს ფასი დაუკარგეს. მიმაჩნია, რომ მონები არიან და მეტი არაფერი“, — აცხადებს ადგილზე პატიმრობაში მყოფი ზურაბ ცეცხლაძის მამა ზურაბ ცეცხლაძე.

ჟურნალისტ ნანუკა ჟორჟოლიანის მიერ გავრცელებულ ვიდეოში ჩანს, როგორ მოდიან ბელიაშვილის გამზირზე არსებულ რესტორანში მოსამართლეები, მათ შორისაა იუსტიციის უმაღლესი საბჭოს წევრი ლევან მურუსიძეც. მოსამართლეებს რესტორანში შესვლაში თავად ლევან მუსერიძე ეხმარება.

"თუ გასასვლელს გახსნით და დაწყნარდებით, მოგცემთ ინტერვიუს", — მცირე კომენტარით შემოიფარგლა მურუსიძე ჟურნალისტებთან.

შეკრებილებმა რესტორნის შესასვლელთან საპროტესტო ბანერი გაშალეს. მოსამართლეთა ნაწილს რესტორანში მოსახვედრად ამ ბანერში გაძრომა მოუწია, ნაწილმა გადააბიჯა, ნაწილმა კი გაძრომა არ ისურვა და უკან გაბრუნდა.