მარკირებას დაქვემდებარებული აქციზური საქონლის აქციზური მარკის გარეშე გადაზიდვის ბრალდებით, ფინანსთა სამინისტროს საგამოძიებო სამსახურმა ორი პირი დააკავა. უწყების ცნობით, ამოღებული საქონლის საბაზრო ღირებულება 171 220 ლარია.

გამოძიების მტკიცებით, დაკავებულები DAF-ის მარკის ავტობუსში მოწყობილი სამალავებით, საბაჟო - გამშვები პუნქტი სარფის გავლით, საქართველოს ტერიტორიიდან საბაჟო წესის დარღვევით, ცდილობდნენ გადაეტანათ განსაკუთრებით დიდი ოდენობით, 48 920 კოლოფი უაქციზო სიგარეტი.

საქმეზე მიმდინარეობს გამოძიება საქართველოს სისხლის სამართლის კოდექსის 214-ე მუხლის მეხუთე და მე-200 მუხლის მესამე ნაწილებით, რაც სასჯელის სახით 8-დან 11 წლამდე თავისუფლების აღკვეთას ითვალისწინებს.