მოქალაქეები სპეციალურ საგამოძიებო სამსახურთან აქციას მართავენ. ისინი რუსთაველს გამზირზე დაკავებული მოქალაქეების მიმართ ძალადობას აპროტესტებენ და საგამოძიებო ორგანოს ამ ძალადობის ფაქტების გამოძიებისკენ მოუწოდებენ.

აქციის მონაწილეებმა ადგილზე მოიტანეს ბანერები, დაკავებული და ნაცემი მოქალაქეების ფოტოები და ფიტული, როგორც აქციებზე დაშავებული ადამიანების სიმბოლო.

აქციაზე იმყოფება საერთაშორისო გამჭვირვალობა საქართველოს ხელმძღვანელი, ეკა გიგაური. ის მთავარის ეთერში აცხადებს, რომ "ძალიან მნიშვნელოვანია ასეთი აქციები სხვადასხვა უწყებებთან, რადგან მათ შეუძლიათ რეაგირება გააკეთონ კონკრეტულ ფაქტებზე და არ აკეთებს. და ეს უნდა იცოდნენ არ ამარტო საქართველოს მოქალაქეებმა, არამედ dასავლელმა პარტნიორებმაც

"დიდი მოლოდინები აღარ მაქვს სახელმწიფო უწყებებთან მიმართებით, იმიტომ რომ ჩვენ სულ ვამბობდით, რომ ჩვენ სულ ვამბობდით, რომ სახელმწიფო უწყებები არის მიტაცებული ბიძინა ივანიშვილის მიერ. ასე თამაშობს ეს კაცი, მას აქვს სამინისტროები, გარკვეული დეპარტამენტები, უწყებები, მინისტრები და ცდილობს რომ ამ ადმინისტრაციული რესურსის გამოყენებით შეინარჩუნოს ძალაუფლება და ეს ყველაფერი იმისთვის ხდება, რომ საქართველო რუსეთის ნაწილი გახდეს. მე მგონია, რომ ძალიან მნიშვნელოვანია ასეთი აქციები სხვადასხვა უწყებებთან, რადგან მათ შეუძლიათ რეაგირება გააკეთონ კონკრეტულ ფაქტებზე და არ აკეთებს. და ეს უნდა იცოდნენ არ ამარტო საქართველოს მოქალაქეებმა, არამედ dასავლელმა პარტნიორებმაც", — განაცხადა ეკა გიგაურმა.