ბელგიელი ევროპარლამენტარი და ბელგიის ყოფილი პრემიერ-მინისტრი, გაი ვერჰოფშტადტი საქართველოში ბოლო დროს განვითარებულ მოვლენებთან დაკავშირებით ევროპული საბჭოს საგანგებო სხდომის მოწვევას ითხოვს. მისი განმარტებით, ევროპარლამენტარები სანქციების დასამტკიცებლად უნდა შეიკრიბონ.

"საქართველოში ოპოზიციის ლიდერებზე ძალადობრივი ზეწოლა ევროკავშირის მოქმედებას მოითხოვს. სასწრაფოდ საჭიროა ევროპული საბჭოს საგანგებო სხდომა სანქციების დასამტკიცებლად!" — წერს ბელგიელი ევროპარლამენტარი სოციალურ პლატფორმა X-ზე.