საზოგადოებრივი მაუწყებლის შენობასთან აქცია იმართება — აქციის მონაწილეები საზმაუსგან საეთერო დროის დათმობასა და ქვეყანაში მიმდინარე მოვლენების სრულ გაშუქებას სთხოვენ.

ადგილზე იმყოფებიან ტელევიზიის დირექტორი თინათინ ბერძენიშვილი და საზოგადოებრივი მაუწყებლის სამეურვეო საბჭოს წევრი ვასილ მაღლაფერიძე.

"მედია, რომ უნდა იყოს თავისუფალი ამაზე უკვე დემოკრატიულ სახელმწიფოებში აღარავინ კითხვას აღარ სვამს. ეს ასეა თუ გვინდა, რომ შემდგარი საზოგადოება არსებობდეს და ჰქონდეს გამოხატვის თავისუფლება. 78-ე მუხლი, რომელიც ქართულმა საზოგადოებამ მოითხოვა თავის დროზე და რომელიც კონსტიტუციით არის გამყარებული გულისხმობდა ზუსტად მას და ამაში ჩვენ ყველანი შეთანხმებულები ვართ", - ამბობს აქციაზე მყოფი ნინო ზაუტაშვილი.