საგამოძიებო ჯგუფი აი ფაქტი საქართველოში მეხანძრეების და მაღალჩინოსნების ხელფასების შესახებ მასალას აქვეყნებს. ორგანიზაციის ინფორმაციით, მეხანძრის საშუალო ხელფასი თბილისში 800 ლარია, რეგიონში - 500.

ორგანიზაციის მოპოვებული ინფორმაციით, კრიზისების მართვის საბჭოს შექმნიდან (2014 წლიდან) დღემდე მის დასაფინანსებლად 14,8 მილიონი ლარი დაიხარჯა. საბჭოში 72 ადამიანია დასაქმებული, 10 მაღალჩინოსანი კი, ყოველთვიურად ჯამში 23 900 ლარს იღებს. საბჭოს ხელმძღვანელმა, მინდია ჯანელიძემ გასულ წელს ანაზღაურების სახით 94,5 ათასი ლარი მიიღო - ამის შესახებ მან დეკლარაციაში მიუთითა.

ფოტო: ifact.ge

"მთავრობამ და საბჭომ კი ცეცხლმოკიდებული ბორჯომის ხეობის საშველად ნაბიჯები ერთი დღის დაგვიანებით გადადგეს და სიტუაცია რეალურად ვერ შეაფასეს. ჩათვალეს, რომ ხანძარი ჩააქრეს, თუმცა ქარიანმა ამინდმა ცეცხლის ახალ-ახალი კერები წარმოშვა და ასე შემოგვეწვა ხელში 15 ჰექტრამდე ტყე", - წერს აი ფაქტი.

ბორჯომის რაიონში, წაღვერის ტყეში ხანძარი მეოთხე დღეა, რაც არის. საქართველოს პრემიერ-მინისტრმა კრიზისების საბჭო ხანძრის გაჩენის მეორე დღეს შექმნა.