რუსეთის პრეზიდენტმა ცოტა ხნის წინ მიმართვა გაავრცელა. მისი თქმით, დნეპრში მდებარე "იუჟმაშის" ინდუსტრიული საწარმოს წინააღმდეგ ახალი ჰიპერბგერითი ბალისტიკური რაკეტა გამოიყენეს.

მისი განცხადებით, აღნიშნული იარაღის გამოყენება არის პასუხს აშშ-ის გადაწყვეტილებაზე, რომ მოკლე და საშუალო მანძილზე მოქმედი ამერიკული რაკეტები რუსეთის ტერიტორიაზე გამოიყენოს.

მისივე თქმით, მას შემდეგ რაც აშშ-მ დაუშვა რუსეთ-უკრაინის კონფლიქტში რუსეთს ტერიტორიაზე ამერიკული რაკეტების გამოყენება, დასავლეთის მიერ პროვოცირებული რეგიონული კონფლიქტმა უკრაინასთან, გლობალური ხასიათი მიიღო.

"კონფლიქტმა გლობალური ხასიათის ელემენტები შეიძინა. რუსეთის სამხედრო ობიექტებს ბრიანსკის და კურსკის რაიონებში დასავლეთის რაკეტები დაესხნენ თავს. 19 ნოემბერს 6 ATACMS რაკეტამ და 21 ნოემბერს Storm Shadow სისტემებით დაარტყა სამიზნეებს კურსკისა და ბრიანსკის რაიონებში", – განაცხადა პუტინმა.

შეგახსენებთ, რომ 17 ნოემბერს, საპრეზიდენტო ვადის ამოწურვამდე 2 თვით ადრე, აშშ-ს პრეზიდენტის ჯო ბაიდენის ადმინისტრაციამ გააუქმა შეზღუდვები, რომლებიც უკრაინას რუსეთის ტერიტორიაზე ამერიკული იარაღის გამოყენებას უკრძალავდა და ნება დართო უკრაინას, რომ თავდაცვის გასაძლიერებლად კურსკის რეგიონში გამოიყენოს შორი დისტანციის ამერიკული ტაქტიკურ-ბალისტიკური ATACMS რაკეტები, რომელთა მოქმედების რადიუსი 300 კმ-ზე მეტია.