აშშ-ის არჩეული პრეზიდენტის, დონალდ ტრამპის მომავალი მრჩეველი ეროვნული უსაფრთხოების საკითხებში ქვეყნის რესპუბლიკური კონგრესმენი, მაიკ უოლცი, X-ზე ტრამპის განცხადებას გამოეხმაურა, რომელშიც პრეზიდენტი მას აღნიშნულ თანამდებობაზე დანიშვნის გეგმას აანონსებს.

უოლცი ამბობს, რომ მისთვის დიდი პატივია პრეზიდენტი ტრამპის მხრიდან მასში ჩადებული ნდობა. ამასთან, აღნიშნავს, რომ ამერიკა გაბედულ, შეუდრეკელ ლიდერობაზე ნაკლებ სამსახურს არ იმსახურებს და ტრამპი "ამას შეასრულებს".

"ამერიკას მოკავშირეები ახლოს ეყოლება, ჩვენ არ შეგვეშინდება მოწინააღმდეგეებთან დაპირისპირება, და ჩვენ ინვესტიციას ჩავდებთ ტექნოლოგიებში, რომელიც ჩვენს ქვეყანას სიძლიერეს შეუნარჩუნებს. ამერიკის ყველაზე დიდებული სიძლიერე მისი აყვავებული ეკონომიკა და ენერგო დომინირებაა, და ეს ინსტრუმენტები ჩვენ ომს აგვარიდებს თავიდან და მოგვცემს საშუალებას, რომ კიდევ ერთხელ ლიდერები ძლიერების პოზიციიდან ვიყოთ", — წერს უოლცი.