Axios ცნობით, აშშ-ის 2024 წლის საპრეზიდენტო არჩევნებში გამარჯვებული დონალდ ტრამპი პალესტინელთა ავტონომიის მეთაურს მაჰმუდ აბასს ტელეფონით ესაუბრა.

ეს პირველი შემთხვევაა 2017 წლის შემდეგ. ორ პოლიტიკოსს კომუნიკაცია გაწყვეტილი ჰქონდათ, მას შემდეგ, რაც აშშ-მა იერუსალიმი ისრაელის დედაქალაქად აღიარა და საელჩო იერუსალიმში გადაიტანა.

პალესტინელთა ავტონომიის მოხელეთა თანახმად, საუბარმა დადებითად ჩაიარა.

ტრამპმა გამოხატა სურვილი, ხელი შეუწყოს ღაზის სექტორში ომის დასრულებას.

წყარო ამბობს, რომ მაჰმუდ აბასმა ტრამპს არჩევნებში გამარჯვება მიულოცა და დაადასტურა მზადყოფნა იმუშაოს აშშ-თან ერთად რეგიონში მშვიდობის დასამყარებლად.