საქართველოში არჩევნების შედეგები მიუთითებს იმაზე, რომ ამომრჩევლებს ესმით მეზობლებთან, მათ შორის რუსეთთან თანამშრომლობისა და დამოუკიდებელი კურსის შენარჩუნების მნიშვნელობა, ამის შესახებ დსთ-ს გენერალურმა მდივანმა სერგეი ლებედევმა განაცხადა. ინფორმაციას რუსული მედია ავრცელებს.

"დასკვნა თავისთავად ლოგიკურია: ხალხს ესმის ქართველი ხალხისთვის ქართველი ერის ინტერესების შესაბამისი დამოუკიდებელი კურსის შენარჩუნების მნიშვნელობა და ეჭვგარეშეა, რომ მეზობლებთან თანამშრომლობა როგორც სამხრეთ კავკასიის რეგიონში, ისე ჩრდილოელ მეზობლებთან, პირველ რიგში რუსეთის ფედერაციასთან, აკმაყოფილებს ქართველი ხალხის ინტერესებს", — განაცხადა ლებედევმა ჟურნალისტებთან საუბარში.

მისი თქმით, ის, ვინც საპირისპიროს ამტკიცებს, ან შეგნებულად ამახინჯებს რეალურ სურათს, ან შორს არიან რეალობისგან.

"კმაყოფილების გარეშე ვერ ვიტყვი, რომ „ქართული ოცნების“ ყველა განცხადება იმის თაობაზე, რომ ისინი მზად არიან აღადგინონ კეთილმეზობლური ურთიერთობები რუსეთთან და დსთ-ს სხვა ქვეყნებთან და რომ ახლა ეწინააღმდეგებიან რუსეთისა და ბელარუსის წინააღმდეგ დაწესებულ სანქციებს — არ შეიძლება არ ახარებდეთ, რადგან ეს თავად ქართველი ხალხის ინტერესებს აკმაყოფილებს", — აღნიშნა დსთ-ს გენერალურმა მდივანმა.