მოლდოვაში ევროინტეგრაციის საკითხზე რეფერენდუმის ბედი 13 596 ხმამ გადაწყვიტა.

ამ დროისთვის ბიულეტენების 100%-ია დათვლილი - კითხვაზე, "უჭერთ თუ არა მხარს, კონსტიტუციაში ჩაიწეროს, რომ მოლდოვას სურს ევროკავშირის წევრობა?" დადებითი პასუხი 751 235-მა (50.46%), უარყოფითი კი 737 639-მა (49.54%) ადამიანმა გასცა.

ცნობისთვის, მოლდოვის საპრეზიდენტო არჩევნების პირველ ტურში, მოქმედმა პრეზიდენტმა, მაია სანდუმ ხმების 42% აიღო. მეორე ადგილზე გავიდა პრორუსი პოპულისტი კანდიდატი, ალექსანდრ სტოიანოგლო, რომელსაც მოსახლეობის 26%-მა დაუჭირა მხარი.

არჩევნების მეორე ტური 3 ნოემბერს გაიმართება.

ასევე იხილეთ: მაია სანდუ: ჩვენი მომავალი ევროკავშირში ახლა კონსტიტუციაში იქნება დაფიქსირებული