ნათია მეზვრიშვილი: კახა ბექაურის მიზანი მისი მილიონების დაცვა და კიდევ უფრო მეტის შოვნაა

15 Oct. 2024, 11:48

"კომუნიკაციების მარეგულირებელი კომისიის თავმჯდომარე, კახა ბექაური ბოლო ოთხი წლის განმავლობაში გამდიდრდა, მილიონერი გახდა და მას უნდა ამ ქონების დაცვა და კიდევ უფრო გამდიდრება. 2021-2024 წლების განმავლობაში კახა ბექაური ყოველწლიურად მდიდრდება, რაც მნიშვნელოვნად აღემატება მის სახელფასო ანაზღაურებას. მოდი, ვნახოთ რა წერია კახა ბექაურის ქონებრივ დეკლარაციაში.

დღეის მდგომარეობით, ის ფლობს 40-მდე უძრავ ქონებას. მათ შორისაა ბინები, მიწის ნაკვეთები, დამხმარე ფართები. მათ საერთო ღირებულება შეადგენს 4 მლნ აშშ დოლარს. აქედან 3.5 მლნ ქონება 2021-2024 წლებში დააგროვა. კახა ბექაური გახლავთ ორი ნაბიჯის მოწილე, საიდანაც 41 მლნ ლარზე მეტი დივიდენდი აქვს მიღებული 2021-2023 წლებში. ამ კომპანიას სახელმწიფოსგან 73 მლნ ლარის 211 გამარტივებული შესყიდვა აქვს მიღებული. კახა ბექაური ფლობს 7 ავტომანქანას, რომელთა საერთო ღირებულება 2 მლნ ლარზე მეტია, საათებზე აღარ დავწვრილმანდები. კახა ბექაურის მიზანია დიდძალი ქონების, მისი მილიონების დაცვა და კიდევ უფრო მეტი მილიონის შოვნა. ამიტომ იპარავს ის ივანიშვილთან ერთად ხალხის არჩევანს და ამიტომ ეხმარება ის ოცნებას არჩევნების გაყალბებაში.

ბოლო ამბები:

გირჩევთ