ბათუმის მერი, არჩილ ჩიქოვანი კითხვაზე — როგორც 2008 წლის აგვისტოს ომის მონაწილე, მოუხდის თუ არა ბოდიშს ოსებს, პასუხს არ იძლევა და კითხვის თავიდან არიდებას ცდილობს.

ის ბათუმელების ჟურნალისტის კითხვას თავს არიდებს და პასუხობს:

"გილოცავთ დღევანდელ დღეს, ძალიან ბევრი მხარდამჭერი გვყავს ჩვენ. მე მშვიდობას სწორედ იმიტომ ვიცავ, რომ აგვისტოს ომის მონაწილე ვარ და ზუსტად ვიცი მშვიდობის ფასი. ეს ხალხი, ჩვენი შვილები, ჩვენ რა თქმა უნდა შევურიგდებით [ოსებს] და დავიბრუნებთ ერთმანეთს ომის გარეშე. მშვიდობას გაუმარჯოს!", — ამბობს ბათუმის მერი.

შეგახსენებთ, რომ ქართული ოცნების საპატიო თავმჯდომარე ბიძინა ივანიშვილმა, გორში, სიტყვით გამოსვლისას თქვა, რომ აუცილებლად უნდა გამოვძებნოთ საკუთარ თავში ძალა, რომ ბოდიში მოვუხადოთ ოს დებს და ძმებს.

"ჩვენ აუცილებლად გამოვძებნით საკუთარ თავში ძალას, რათა ბოდიში მოვიხადოთ იმის გამო, რომ დავალების შესაბამისად, მოღალატე ნაციონალურმა მოძრაობამ 2008 წელს ცეცხლის ალში გახვია ჩვენი ოსი დები და ძმები", — განაცხადა ქართული ოცნების საპატიო თავმჯდომარემ, ბიძინა ივანიშვილმა გორში სიტყვით გამოსვლისას.