საქართველოს სახელმწიფო საგარეო ვალმა 2024 წლის აგვისტოს მდგომარეობით, დოლარებში 8.98 მილიარდი შეადგინა, რაც წინა წლის ანალოგიურ პერიოდთან შედარებით 420 მილიონი დოლარით მეტია. ლარებში საგარეო ვალი წლიურად 1.67 მილიარდი ლარით გაიზარდა და ის ₾24.19 მილიარდს შეადგენს.

საქართველოს საგარეო ვალში პირველ ადგილზე აზიის განვითარების ბანკის (ADB) კრედიტია (2,360 მლნ დოლარი), მეორეზე — მსოფლიო ბანკის ჯგუფი (2,170 მლნ დოლარი), მესამეზე — ევროპის საინვესტიციო ბანკი (EIB) (1,140 მლნ დოლარი). ქვეყნებიდან ყველაზე დიდი ვალი საქართველოს საფრანგეთისა (813 მლნ დოლარი) და გერმანიისგან (610 მლნ დოლარი) აქვს.

რაც შეეხება მეზობელ და პარტნიორ ქვეყნებს, რუსეთის ვალი 7.9 მლნ დოლარს შეადგენს, ამერიკის შეერთებული შტატების — 7.8 მლნ დოლარს; თურქეთის — 2.2 მლნ დოლარს, აზერბაიჯანის — 1.2 მლნ დოლარს, სომხეთის — 1.0 მლნ დოლარს, ირანის — 0.8 მლნ ლარი.

ვისი ვალი აქვს საქართველოს — სტატისტიკა:

  • აზიის განვითარების ბანკი (ADB) — $2,360 მლნ დოლარი
  • მსოფლიო ბანკი — $2,170 მლნ დოლარი
  • ევროპის საინვესტიციო ბანკი (EIB) — $1,140 მლნ დოლარი
  • საფრანგეთი — $813 მლნ დოლარი
  • გერმანია — $610 მლნ დოლარი
  • ევრობონდი — $500 მლნ დოლარი
  • ეროვნული ბანკის ვალი სავალუტო ფონდის მიმართ — $383 მლნ დოლარ
  • ევროპის რეკონსტრუქციისა და განვითარების ბანკი (EBRD) — $224 მლნ დოლარი
  • აზიის ინფრასტრუქტურის საინვესტიციო ბანკი (AIIB) — $218 მლნ დოლარი
  • მთავრობის ვალი სავალუტო ფონდის მიმართ — $198 მლნ დოლარი
  • ევროკავშირი (EU) — $147 მლნ დოლარი
  • იაპონია — $131 მლნ დოლარი
  • სოფლის მეურნეობის განვითარების საერთაშორისო ფონდი (IFAD) — $37 მლნ დოლარი
  • ევროსაბჭოს განვითარების ბანკი (CEB) — $16 მლნ დოლარი
  • ავსტრია — $12 მლნ დოლარი
  • ქუვეითი — $11 მლნ დოლარი
  • რუსეთი — $7.9 მლნ დოლარი
  • ამერიკის შეერთებული შტატები — $7.8 მლნ დოლარი
  • თურქეთი — $2.2 მლნ დოლარი
  • სკანდინავიური გარემოსდაცვის საფინანსო კორპორაცია (NEFCO) — $1.9 მლნ დოლარი
  • ყაზახეთი — $1.3 მლნ დოლარი
  • აზერბაიჯანი — $1.2 მლნ დოლარი
  • სომხეთი — $1.0 მლნ დოლარი
  • ირანი —$0.8 მლნ დოლარი