45 წლის კოლუმბიელი მსახიობი, კომიკოსი, მოდელი და ტელეწამყვანი სოფია ვერგარა ამბობს, რომ შეუძლებელია ადამიანს იდეალური სხეული ჰქონდეს.

მიუხედავად იმისა, რომ სერიალ Modern Family-ს ვარსკვლავი შოუ-ბიზნესში ერთ-ერთ ყველაზე მიმზიდველ და სექსუალურ ქალად ითვლება, ის ჟურნალ Women Health-ისთვის გაშიშვლდა და ამბობს, რომ შეიძლება ბევრს მისი მრგვალი და შევსებული ფორმები მოსწონს, მაგრამ მისი აზრით, ეს ყველაფერი იდეალურობისგან ძალიან შორს დგას.

ფოტო: MATTHIAS VRIENS-MCGRATH

მსახიობი აღნიშნავს, რომ მას სულაც არ სჭირდება სიგამხდრე, რადგან ამას ზედმეტად ბევრი ძალისხმევა სჭირდება.

"არ მაქვს კარგი პრესი და კუნთები იმიტომ, რომ საერთოდ არ მჭირდება, მე არ ვარ მოდელი, რომელსაც გამუდმებით იდეალურ სხეულზე ზრუნვა უწევს, თან სიმართლე გითხრათ, ეს ყველაფერი ჩემგან მეტისმეტ ძალისხმევას მოითხოვს. არ ვიცი ვარ თუ არა ძლიერი. მაქვს საშინელი მუხლები და თხელი ძვლები. რა თქმა უნდა, ვისურვებდი, რომ უფრო ათლეტური ვიყო, მაგრამ როდესაც დაბადებიდან გიგანტური მკერდი გაქვს, შეუძლებელია ამაზე იფიქრო. 13 წლიდან ასე ვარ და როდესაც დავორსულდი, ისინი კიდევ უფრო გაიზარდნენ", ამბობს ვერგარა.

რაც შეეხება ვარჯიშს, სოფია ამბობს, რომ მას კვირაში სამ, ხანდახან კი ოთხ დღეს უთმობს, თუმცა აღნიშნავს, რომ ეს მისთვის ყველაზე საშინელი დღეებია.

"ვარჯიში ჩემთვის ნამდვილი წამებაა. ყოველთვის ცუდ ხასიათზე ვდგები. ცუდ ხასიათზე ვარ როდესაც ამას ვაკეთებ, ცუდ ხასიათზე ვარ მის შემდეგაც და ცუდ ხასიათზე ვარ მაშინაც სანამ დავიწყებ. ჩემმა ქმარმა მშვენიერი დარბაზი მოაწყო სახლში, მაგრამ მე მისგან ძალიან შორს ვარ", ხუმრობს მსახიობი.