გერმანიამ პოლონეთს ჩრდილოეთის ნაკადის გაზსადენის აფეთქებაში ეჭვმიტანილი უკრაინელი ყვინთვის ინსტრუქტორის დაკავება მოსთხოვა. — ინფორმაციას სააგენტო Reuters ავრცელებს.

გერმანელი გამომძიებლები მტკიცებით, უკრაინის მოქალაქე იმ ჯგუფის ერთ-ერთი წევრია, რომელმაც გაზსადენზე ასაფეთქებელი მოწყობილობა დაამონტაჟა.

ამ საკითხზე კომენტარის გაკეთებაზე უარი თქვეს გერმანიის გენერალური პროკურორის ოფისსა და შინაგან საქმეთა სამინისტროში. თუმცა, პროკურატურამ დაადასტურა, რომ პოლონეთს დაკავების ორდერი ივნისში გადასცა.

გერმანიის მხარემ, უკრაინასთან ურთიერთობასაც გაუსვა ხაზი და აღნიშნა, რომ Nord Stream-ის გამოძიების გამო უკრაინასთან ურთიერთობა არ დაძაბულა.

ჩრდილოეთის ნაკადი 1-ისა და ჩრდილოეთის ნაკადი 2-ის აფეთქებების შესახებ ცნობები 2022 წლის სექტემბერში გავრცელდა. პირველი გაზსადენი ევროპას ბალტიის ზღვის გავლით რუსეთიდან ბუნებრივ აირს აწვდიდა. მეორე გაზსადენიც ამავე მიზნით აშენდა, თუმცა მისი ექსპლუატაციაში შესვლა ვერ მოესწრო.