მოკლედ: საქართველოს პარლამენტის თავმჯდომარე შალვა პაპუაშვილი, რუსული კანონის საპროტესტო აქციებზე, ევროპის ქვეყნის საგარეო საქმეთა მინისტრების მისვლას ეხმაურება და წერს, რომ რუსეთის მთავრობამ, თავის ყველაზე მწვავე ოპონენტებს, მსოფლმხედველობის ნაწილი გადასდო, განსაკუთრებით კი, ბალტიის ქვეყნებში.

დეტალები: პაპუაშვილმა რუსული კანონის საპროტესტო აქციებში მონაწილე ახალგაზრდებს კიდევ ერთხელ უწოდა "რადიკალური ოპოზიციური პარტიების მიერ მართული".

  • "უწოდო მათ [ახალგაზრდებს] "მთელი ერი", ისეთი საქციელია, რომელსაც საბჭოთა, ან რუსი პროპაგანდისტებისგან უფრო მოელი, ვიდრე ევროკავშირის წევრი ქვეყნის საგარეო საქმეთა მინისტრისგან", — თქვა პარლამენტის თავმჯდომარემ.
  • შალვა პაპუაშვილი არის ერთ-ერთი მათ შორის, ვინც მხარი დაუჭირა საქართველოში რუსული კანონის მიღებას და ამასთან, გამორჩეულია ღიად ანტიდასავლური განცხადებებით.

გადახედეთ: 84 დეპუტატის სია, რომლებმაც ხმა მისცეს რუსულ კანონს, მესამე მოსმენით

პაპუაშვილის თქმით, როდესაც ხელს უწყობ "დემოკრატიულად არჩეული მთავრობის დამხობის მცდელობას", იმის გამო, რომ მის მიერ მიღებული კანონმდებლობა არ მოგწონს, ეს არის "საბჭოთა სახელმძღვანელოდან გადმოწერილი".

  • პარლამენტის თავმჯდომარე წერს, რომ ბალტიელი პარტნიორების მთავრობებში ზოგიერთი მეტისმეტად შორს გაიტაცა საკუთარმა რიტორიკამ: "სამყაროს შავ-თეთრად წარმოდგენამ ისინი მიიყვანა მდგომარეობამდე, რომელშიც ყველა, ვინც მათ რიტორიკას არ ეთანხმება, ავტომატურად მტრად იქცევა".

კონტექსტი: თბილისში ოფიციალური ვიზიტით იმყოფება ევროკავშირის წევრი ოთხი ქვეყნის საგარეო საქმეთა მინისტრი:

  • გაბრელიუს ლანდსბერგისი — ლიეტუვა;
  • მარგუს ცაკნა — ესტონეთი;
  • ტორდის გილფადოტრი — ისლანდია;
  • ბაიბა ბრაზე — ლატვია.

გადახედეთ: თბილისში მყოფი ევროპის ქვეყნების საგარეო საქმეთა მინისტრების ერთობლივი გზავნილები საქართველოს მთავრობასა და მოსახლეობას

გუშინ, 15 მაისს, პარლამენტთან, რუსული კანონის საპროტესტო აქციაზე, საგარეო საქმეთა მინისტრები მივიდნენ და აქციის მონაწილეებს სიტყვით მიმართეს.

გაიგე მეტი: ლანდსბერგისი აქციის მონაწილეებს: ჩვენ არასოდეს მიგატოვებთ

იქამდე, 14 მაისს, ქართველი ხალხის ევროინტეგრაციისკენ სწრაფვის მხარდაჭერის ნიშნად, რუსული კანონის საპროტესტო აქციაზე ასევე მივიდნენ ევროკავშირის რამდენიმე წევრი ქვეყნის პარლამენტის საგარეო საქმეთა კომიტეტების თავმჯდომარეები. მათ შორის: მიხაელ როთი — გერმანიის პარლამენტის საგარეო საქმეთა კომიტეტის თავმჯდომარე და ჟიგიმანტას პავილიონისი — ლიეტუვის პარლამენტის საგარეო ურთიერთობათა კომიტეტის თავმჯდომარე.