მოკლედ: დღეს, 15 მაისს, პარლამენტმა მხარი არ დაუჭირა, პრეზიდენტ სალომე ზურაბიშვილის მოტივირებულ შენიშვნებს გენდერულ კვოტების გაუქმებაზე და ვეტო დაძლია.

  • პრეზიდენტის მოტივირებულ შენიშვნებს ჰყავდა 1 მომხრე და 28 წინააღმდეგი.

რედაქციისგან: რატომ გვჭირდება გენდერული კვოტირების პოლიტიკა — პოზიციები და ანალიზი

გენდერული კვოტების გაუქმების ქრონოლოგია: 1-ელ აპრილს, პარტია გირჩი გამოვიდა ინიციატივით, რომ გაუქმებულიყო პარლამენტში გენდერული კვოტირება, კონკრეტულად, საარჩევნო კოდექსის 203-ე მუხლი, რომელიც პოლიტიკურ პარტიებს ავალდებულებდა, მათ პროპორციულ სიაში ყოველი მე-4 კანდიდატი განსხვავებული სქესის ყოფილიყო.

  • ცვლილებას თავიდანვე მხარი დაუჭირა მმართველმა პარტიამ, ქართულმა ოცნებამ, რომელიც პარლამენტში საპარლამენტო უმრავლესობას ფლობს.

4 აპრილს, დაჩქარებული წესით განხილულ კანონპროექტს მესამე მოსმენით უყარეს კენჭი და შედეგად, საქართველოს პარლამენტმა გენდერული კვოტები გააუქმა.

18 აპრილს, საქართველოს პრეზიდენტმა, სალომე ზურაბიშვილმა, გენდერული კვოტების გაუქმების კანონპროექტს ვეტო დაადო.

  • პრეზიდენტის ადმინისტრაციამ დაწერა, რეზიდენტი ვეტოს დაადებს ყველა კანონს, რომელიც "წინააღმდეგობაში მოვა საქართველოს ევროპულ გზასთან.

22 აპრილს, სახალხო დამცველმა, ლევან იოსელიანმა, გენდერული კვოტების გაუქმებასთან დაკავშირებულ კანონპროექტზე ეუთო/ოდირს მიმართა.

გაიგე მეტი: გენდერული კვოტის გაუქმება ეწინააღმდეგება ხალხის ნებას, არღვევს ქალთა უფლებებს და აფერხებს ევროინტეგრაციის პროცესს – არასამთავროები