მოკლედ: 2024 წლის 22 აპრილს, სახალხო დამცველმა, ლევან იოსელიანმა, გენდერული კვოტების გაუქმებასთან დაკავშირებულ კანონპროექტზე ეუთო/ოდირს მიმართა.

  • ინფორმაციას საქართველოს სახალხო დამცველის აპარატი ავრცელებს.

დეტალები: ომბუდსმენი წერს, რომ კვოტების გაუქმებაზე მოსაზრებას ამზადებს ვენეციის კომისიაც.

  • ომბუდსმენი საქართველოს პარლამენტს მოუწოდებს, ვენეციის კომისიისა და ეუთო/ოდირის დასკვნების გამოქვეყნებამდე, "არ მისცეს კანონპროექტს შემდგომი მსვლელობა" და თითოეული მიღებული გადაწყვეტილება ადამიანის უფლებების სტანდარტს შეუსაბამოს.

რედაქციისგან: რატომ გვჭირდება გენდერული კვოტირების პოლიტიკა — პოზიციები და ანალიზი

წინაისტორია: 1-ელ აპრილს, პარტია გირჩი გამოვიდა ინიციატივით, რომ გაუქმებულიყო პარლამენტში გენდერული კვოტირება, კონკრეტულად, საარჩევნო კოდექსის 203-ე მუხლი, რომელიც პოლიტიკურ პარტიებს ავალდებულებდა, მათ პროპორციულ სიაში ყოველი მე-4 კანდიდატი განსხვავებული სქესის ყოფილიყო.

  • ცვლილებას თავიდანვე მხარი დაუჭირა მმართველმა პარტიამ, ქართულმა ოცნებამ, რომელიც პარლამენტში საპარლამენტო უმრავლესობას ფლობს.

4 აპრილს, დაჩქარებული წესით განხილულ კანონპროექტს მესამე მოსმენით უყარეს კენჭი და შედეგად, საქართველოს პარლამენტმა გენდერული კვოტები გააუქმა.

18 აპრილს, საქართველოს პრეზიდენტმა, სალომე ზურაბიშვილმა, გენდერული კვოტების გაუქმების კანონპროექტს ვეტო დაადო.

  • პრეზიდენტის ადმინისტრაციამ დაწერა, რეზიდენტი ვეტოს დაადებს ყველა კანონს, რომელიც "წინააღმდეგობაში მოვა საქართველოს ევროპულ გზასთან".