მოკლედ: "საქართველოს ევროპელ მეგობრებს აქვთ იგივე გზავნილი, რაც გვესმის თბილისის ქუჩებში უკვე რამდენიმე კვირაა. ისინი მოუწოდებენ ივანიშვილს გაიწვიოს რუსული კანონი, რომელიც უხერგავს გზას ჩვენს ქვეყანას ევროპისკენ", — განაცხადა საპარლამენტო ფრაქცია ერთიანი ნაციონალური მოძრაობის თავმჯდომარემ, თინა ბოკუჩავამ.

  • ენმ, სხვა საპარლამენტო ოპოზიცია და არასაპარლამენტო ოპოზიციის წარმომადგენლები შეხვდნენ თბილისში ვიზიტით მყოფ გერმანიის, პოლონეთის, ჩეხეთის, ლიეტუვის საგარეო ურთიერთობათა კომიტეტის თავმჯდომარეებს.

თინა ბოკუჩავა: "ისინი ღიად ამბობენ, რომ რუსული კანონი მიღების შემთხვევაში, შეუძლებელია საქართველომ გახსნას მოლაპარაკებები ევროკავშირში გაწევრიანებაზე და გამოდის, რომ კანდიდატის სტატუსი, რომელიც ქართველი ხალხის დამსახურებაა, გამოუყენებელი დარჩება, რადგან ჩვენ ამ სტატუსს ვერ გამოვიყენებთ მოლაპარაკებების დასაწყებად."

  • ევროპის ქვეყნების საგარეო კომიტეტის თავმჯდომარეებთან შეხვედრის შემდეგ, მედიასთან კომენტარი გააკეთა თამარ კორძაიამაც, პარლამენტის ოპოზიციონერმა წევრმა,

თამარ კორძაია: "პირველი, რაც მათ აღნიშნეს, არის ის, რომ ქართული ოცნების ხელისუფლებამ დაკარგა ყველაზე მეტი, რაც იყო დასაკარგი ევროპაში. ცალსახად თქვეს, რომ ქართულ ოცნებას არც ერთ პოლიტიკურ პარტიაში სანდო პარტნიორის რეპუტაცია არ აქვს."

ბოლო ხაზი: დღეს დილით, ღიად ანტიდასავლურმა სამთავრობო პარტიამ, ხალხის ძალამ განაცხადა, რომ ხელისუფლებამ უნდა იმსჯელოს, იმსახურებენ თუ არა ქვეყანაში შემოშვებას დასავლელი პოლიტიკოსები. მათ მხედველობაში აქვთ მათ მხედველობაში აქვთ ევროკავშირის წევრი ოთხი ქვეყნის საგარეო საქმეთა მინისტრის ვიზიტი.

გაიგე მეტი: დასავლელი დიპლომატების სია — სამთავრობო პარტია ქვეყანაში მათი არ შემოშვების საკითხს განიხილავს