მოკლედ: საქართველოს 104 არასამთავრობო ორგანიზაცია აცხადებს, რომ რუსული კანონის ვერანაირი შესწორება ვერ შეცვლის იმ "დამანგრეველ შედეგებს", რასაც ამ კანონის ამოქმედება საზოგადოებას მოუტანს.

  • "ხელისუფლების მიერ მეორე მოსმენით მიღებული კანონპროექტი საკუთარი მიზნებითა და შინაარსით არის რუსული, მიმართულია ქართველი ხალხის დასავლური კურსის წინააღმდეგ", — აცხადებენ ისინი.

დეტალები: არასამთავროები აღიშნავენ, რომ თვეზე მეტია, ქართველი ხალხი, რუსული კანონის სახით ეწინააღმდეგება საქართველოში "პუტინის წესების დამკვიდრებას".

  • "11 მაისის უპრეცედენტოდ მრავალრიცხოვანმა აქციამ ნათლად აჩვენა, რომ ქართველი ხალხი იაზრებს ამ კანონის მზაკვრულ მიზნებს, არ ეპუება ხელისუფლების მცდელობას, დააშინოს მოსახლეობა და ურყევად იცავს ქვეყნის დასავლურ კურსს", — წერია განცხადებაში.

კონტექსტი: 10 მაისს, საქართველოს პრემიერ-მინისტრმა, ირაკლი კობახიძემ ტელეჟურნალისტებთან ინტერვიუს დროს, თქვა, რომ ვეტოს პროცედურის ფარგლებში, რუსულ კანონში ცვლილებებზე შესაჯერებლად მზად არიან.

  • კობახიძის თქმით, საერთაშორისო პარტნიორებთან საუბარში, ხედავს "პოზიტიურ ძვრებს" და მზაობას დისკუსიისთვის, კანონის ნორმებთან დაკავშირებით.
  • გუშინ, 11 მაისს, ოპოზიციურმა პარტიებმა განაცხადეს, რომ რუსული კანონის "შელამაზებულ ვერსიას" არ მიიღებენ, კანონი გაუმჯობესებას არ ექვემდებარება და მთავრობამ ის უპირობოდ უნდა გაიწვიოს.

დღეს, 12 მაისს, საქართველოს პრეზიდენტმა სალომე ზურაბიშვილმა თქვა, რომ არ აპირებს რუსული კანონის "გაპატიოსნებას" და ეს კანონი არის და ყოველთვის იქნება რუსული.

  • პრეზიდენტმა, რუსულ კანონთან დაკავშირებით, საქართველოს მთავრობას სამი არჩევანი შესთავაზა.

გაიგე მეტი: რუსულ კანონთან დაკავშირებით, პრეზიდენტი მთავრობას სამ არჩევანს სთავაზობს