მოკლედ: თბილისში ხალხმრავალი მსვლელობა მიმდინარეობს. ევროპული მარში, სიმბოლურად, ევროპის დღის აღსანიშნავად იმართება. ამით საქართველოს მოქალაქეები ადასტურებენ ურყევ სურვილს, გახდეს საქართველო ევროკავშირის წევრი და ამავდროულად, აპროტესტებენ ხელისუფლების სურვილს, მიიღოს რუსული კანონი.

დეტალები: ევროპის მოედნის მიმართულებით ხალხი რამდენიმე ნაკადად დაიძრა.

ფოტო: On.ge

  • აქციას დღეს ყველა თაობის წარმომადგენელი უერთდება.
  • მანიფესტანტები სკანდირებენ "არა რუსულ კანონს“.

ხალხის ნაკადები მრავალრიცხოვანია, სხვადასხვა ადგილიდან დაძრული ხალხი, რამდენიმე წუთში, ერთმანეთს ევროპის მოედანზე შეუერთდება.