მოკლედ: პარტია ლელოს ლიდერი მამუკა ხაზარაძე აცხადებს, რომ შეიქმნება სპეციალური ფონდი ყველა იმ ადამიანის დასახმარებლად, რომელსაც რუსულ კანონზე ღია პოზიციის დაფიქსირების გამო, საჯარო სამსახურიდან გაათავისუფლებენ.

  • "ჩვენს გარშემო არის უამრავი ადამიანი, რომელიც საჯარო სამსახურში მუშაობს და აქვს სწორი პოზიცია. ისინი ვერ გამოდიან და ვერ აფიქსირებენ თავიანთ პოზიციას, რადგან იციან სამსახურიდან გაათავისუფლებენ", — თქვა ხაზარაძემ ტელეკომპანია პირველის გადაცემაში.

დეტალები: ხაზარაძის თქმით, ფონდი უნდა მართონ ცნობადმა სახეებმა, რომელთაც მსგავსი ფონდების მართვის გამოცდილება აქვთ, მაგალითად ის ასახელებს ტელეწამყვან ნანუკა ჟორჟოლიანს:

  • "ერთ-ერთი მახსენდება ნანუკა ჟორჟოლიანი, რომელიც სასიკეთო საქმეს აკეთებს, იზიდავს თანხებს და ეხმარება ბავშვებს. არის კიდევ რამდენიმე საერთაშორისო ფონდი, რომ შეიქმნას დირექტორთა საბჭო".
  • ხაზარაძის თქმით, ფონდმა, 2024 წლის საპარლამენტო არჩევნების დასრულებამდე, უნდა დააფინანსოს ყველა ის ადამიანი, რომელსაც სამსახურიდან პოზიციის დაფიქსირების გამო გაათავისუფლებენ: "ფონდისთვის ერთ-ერთი მე გავაკეთებ კონტრიბუციას".