რა ხდება: აქციის ორგანიზატორები და მონაწილეები, რესპუბლიკის მოედნიდან, რუსთაველის გამზირისკენ დაიძრნენ.

  • ისინი პარლამენტთან მისვლას და საკანონმდებლო ორგანოსთვის წრის დარტყმას აპირებენ.

დეტალები: აქციის ორგანიზატორების თქმით, საზოგადოება არ უჭერს მხარს პარლამენტის საკონსტიტუციო ჩარჩოდან გასვლას და ევროპულ კურსზე უარის თქმას, სწორედ ამიტომ მიემართებიან ახლა საკანონმდებლო ორგანოს შენობისკენ.

"ეს იქნება ჩვენი მოქალაქეობრივი ხორუმი. შევკრავთ ჯაჭვს, როგორც საქართველოს მოქალაქეთა ერთობის სიმბოლოს", — თქვა აქციის წამყვანმა, რატი ამაღლობელმა.

  • აქცია რესპუბლიკის მოედანზე, დაახლოებით, 2 საათის განმავლობაში მიმდინარეობდა.

ბოლო ხაზი: რუსული კანონის მეორე მოსმენა კომიტეტის სხდომაზე ხვალ იგეგმება.

  • სხდომა დილის 9 საათზეა ჩანიშნული.
  • პარალელურად, ხვალ, 29 აპრილს ქართული ოცნება რუსული კანონის საწინააღმდეგო აქციის კონტრაქციას გეგმავს.